En lembranza de Xosé Carlos Gómez Alfaro
(As
Chabolas, 1949-A Guarda, 2008)
A Libraría Atlántica, na rúa
Concepción Arenal da Guarda, expón, ata final de mes, todos os títulos
da obra publicada por Xosé Carlos Gómez Alfaro, poeta das Chabolas (Ribadavia),
pero moi vinculado á vila da Guarda, onde execeu o maxisterio durante 30
anos.
SE ME ARRANCAS MAÑÁ DA GUARDA AMADA
Se me arrancas mañá da Guarda amada,
párteme en dúas bágoas ó primeiro
e que unha delas quede neste abeiro
mentres a outra chora desolada.
Se me arrancas mañá da Guarda alada,
leva esa bágoa á paz do meu Ribeiro
que hai tempo que me agarda ben tristeiro
aquel temón tolleito na outonada.
Se me arrancas mañá desta anil terra,
entérrame co mar que me arrolaba
o berce daquel sol leve e longueiro.
Se me arrancas mañá ou me desterra
o Tegra que inmolado me bicaba,
pousa a miña saudade no Ribeiro.
Xosé Carlos Gómez
Alfaro
(Do seu poemario OFERTORIO DE SOLPORES)
